No More Learning

_e_)
Ven) _te mulso_ ?




LXXXI

Nemone in tanto potuit populo esse, Iuuenti,
bellus homo, quem tu diligere inciperes,
praeterquam iste tuus moribunda ab sede Pisauri
hospes inaurata pallidior statua,
qui tibi nunc cordi est, quem tu praeponere nobis 5
audes, et nescis quod facinus facias?


LXXXI cum LXXX continuant ? , nullo spatio relicto

1 _iuuenti_ La1: _uiuenti_ ? : _diuuenti_ uisus sum legere in
Paris. 7989
3 _ab_ GOhap: _a_ VenCD
5 _qui_ Calp. 1481: _quid_ ?
6 _quod_ p: _quid_ ? || _Num _Quid tibi nunc cordi est? quem tu
praeponere nobis audes, et nescis quod facinus facias?




LXXXII

Quinti, si tibi uis oculos debere Catullum
aut aliud si quid carius est oculis,
eripere ei noli, multo quod carius illi
est oculis seu quid carius est oculis.


LXXXII cum LXXXI continuant ? , nullo spatio relicto

3, 4 om. BLa1a




LXXXIII

Lesbia mi praesente uiro mala plurima dicit:
haec illi fatuo maxima laetitia est.
mule, nihil sentis: si nostri oblita taceret,
sana esset: nunc quod gannit et obloquitur,
non solum meminit, sed, quae multo acrior est res, 5
irata est: hoc est, uritur et loquitur.
LXXXIII cum LXXXII continuant ? , nullo spatio relicto

2 _h(a)ec_ GOR Laur. 33. 12 D m. pr. : _hoc_ (suprascr. _e_) Ven:
_hoc_ BLa1C Bodl. Lat. Class. e. 15
3 _mule_ O: _mulle_ ? Hoc uindicabat Vmpfenbach ex prouerbio
_? ? ? ? ?