[Cromek found these
characteristic
lines among the poet's papers.
Robert Burns
It's no I like to sit an' swallow,
Then like a swine to puke and wallow,
But gie me just a true good fellow,
Wi' right ingine,
And spunkie ance to make us mellow,
And then we'll shine.
Now if ye're ane o' warl's folk,
Wha rate the wearer by the cloak,
An' sklent on poverty their joke
Wi' bitter sneer,
Wi' you nae friendship I will troke,
Nor cheap nor dear.
But if, as I'm informed weel,
Ye hate as ill's the very deil
The flinty heart that canna feel--
Come, Sir, here's tae you!
Hae, there's my haun, I wiss you weel,
And gude be wi' you.
ROBERT BURNESS.
_Mossgiel, 3 March, 1786. _
* * * * *
LXXVI.
TO JOHN KENNEDY.
Farewell, dear friend! may guid luck hit you,
And 'mang her favourites admit you!
If e'er Detraction shore to smit you,
May nane believe him!
And ony deil that thinks to get you,
Good Lord deceive him!
R. B.
_Kilmarnock, August, 1786_
* * * * *
LXXVII.
[Cromek found these characteristic lines among the poet's papers. ]
There's naethin like the honest nappy!
Whaur'll ye e'er see men sae happy,
Or women, sonsie, saft an' sappy,
'Tween morn an' morn
As them wha like to taste the drappie
In glass or horn?
I've seen me daezt upon a time;
I scarce could wink or see a styme;
Just ae hauf muchkin does me prime,
Ought less is little,
Then back I rattle on the rhyme,
As gleg's a whittle.
* * * * *
LXXVIII.
ON THE BLANK LEAF
OF A
WORK BY HANNAH MORE.
PRESENTED BY MRS C----.
Thou flattering work of friendship kind,
Still may thy pages call to mind
The dear, the beauteous donor;
Though sweetly female every part,
Yet such a head, and more the heart,
Does both the sexes honour.
She showed her taste refined and just,
When she selected thee,
Yet deviating, own I must,
For so approving me!
But kind still, I'll mind still
The giver in the gift;
I'll bless her, and wiss her
A Friend above the Lift.
_Mossgiel, April_, 1786.
* * * * *
LXXIX.
TO THE MEN AND BRETHREN
OF THE
MASONIC LODGE AT TARBOLTON.
Within your dear mansion may wayward contention
Or withering envy ne'er enter:
May secrecy round be the mystical bound,
And brotherly love be the centre.
_Edinburgh_, 23 _August_, 1787.
* * * * *
LXXX.