No More Learning

1504. 49 Buech.
_zonulam ut soluas diu ligatam_




III

Lugete, o Veneres Cupidinesque,
et quantum est hominum uenustiorum.
passer mortuus est meae puellae,
passer, deliciae meae puellae.
quem plus illa oculis suis amabat: 5
nam mellitus erat suamque norat
ipsam tam bene quam puella matrem.
nec sese a gremio illius mouebat,
sed circumsiliens modo huc modo illuc
ad solam dominam usque pipilabat. 10
qui nunc it per iter tenebricosum
illuc, unde negant redire quenquam.
at uobis male sit, malae tenebrae
Orci, quae omnia bella deuoratis:
tam bellum mihi passerem abstulistis. 15
uae factum male! uae miselle passer,
tua nunc opera meae puellae
flendo turgiduli rubent ocelli.


III cum II continuatum habent ? , nullo titulo nec spatio tituli

4 om. ABCLa1a
7 _ipsa_ ABC
9 _circum siliens_ GR: _circum silens al. siliens_ O
10 _pipilabat_ Da: _piplabat_ ? : _pipiabat_ marg.
h Voss
11 _tenebricosum_ h2: _tenebrosum_ ?
12 _illuc_ marg. O: _illud_ ?
Carm. Epigr. 1504. 11 Buech. _Unde fata negant redire quemquam_
14 _Orciquae_ R m. pr. : _Orcique al. quae_ G: _Orcique_ COVen ||
_bella al. pulcra_ G: _bella i. pulcra_ O
16 _uae. . . uae miselle_ scripsi ex eo quod habent ?