prodigious
to reflec'!
Robert Forst
[Burns placed the portraits of Dr. Blacklock and the Earl of
Glencairn, over his parlour chimney-piece at Ellisland: beneath the
head of the latter he wrote some verses, which he sent to the Earl,
and requested leave to make public. This seems to have been refused;
and, as the verses were lost for years, it was believed they were
destroyed: a rough copy, however, is preserved, and is now in the safe
keeping of the Earl's name-son, Major James Glencairn Burns. James
Cunningham, Earl of Glencairn, died 20th January, 1791, aged 42 years;
he was succeeded by his only and childless brother, with whom this
ancient race was closed. ]
Whose is that noble dauntless brow?
And whose that eye of fire?
And whose that generous princely mien,
E'en rooted foes admire?
Stranger! to justly show that brow,
And mark that eye of fire,
Would take _His_ hand, whose vernal tints
His other works inspire.
Bright as a cloudless summer sun,
With stately port he moves;
His guardian seraph eyes with awe
The noble ward he loves--
Among th' illustrious Scottish sons
That chief thou may'st discern;
Mark Scotia's fond returning eye--
It dwells upon Glencairn.
* * * * *
XCVII.
ELEGY
ON THE YEAR 1788
A SKETCH.
[This Poem was first printed by Stewart, in 1801. The poet loved to
indulge in such sarcastic sallies: it is full of character, and
reflects a distinct image of those yeasty times. ]
For Lords or Kings I dinna mourn,
E'en let them die--for that they're born,
But oh!
prodigious to reflec'!
A Towmont, Sirs, is gane to wreck!
O Eighty-eight, in thy sma' space
What dire events ha'e taken place!
Of what enjoyments thou hast reft us!
In what a pickle thou hast left us!
The Spanish empire's tint a-head,
An' my auld toothless Bawtie's dead;
The tulzie's sair 'tween Pitt and Fox,
And our guid wife's wee birdie cocks;
The tane is game, a bluidie devil,
But to the hen-birds unco civil:
The tither's something dour o' treadin',
But better stuff ne'er claw'd a midden--
Ye ministers, come mount the pu'pit,
An' cry till ye be hearse an' roupet,
For Eighty-eight he wish'd you weel,
An' gied you a' baith gear an' meal;
E'en mony a plack, and mony a peck,
Ye ken yoursels, for little feck!
Ye bonnie lasses, dight your e'en,
For some o' you ha'e tint a frien';
In Eighty-eight, ye ken, was ta'en,
What ye'll ne'er ha'e to gie again.
Observe the very nowt an' sheep,
How dowf and dowie now they creep;
Nay, even the yirth itsel' does cry,
For Embro' wells are grutten dry.
O Eighty-nine, thou's but a bairn,
An' no owre auld, I hope, to learn!
Thou beardless boy, I pray tak' care,
Thou now has got thy daddy's chair,
Nae hand-cuff'd, mizl'd, hap-shackl'd Regent,
But, like himsel' a full free agent.
Be sure ye follow out the plan
Nae waur than he did, honest man!
As muckle better as ye can.
_January 1_, 1789.
* * * * *
[Illustration: "THE TOOTHACHE. "]
XCVIII.
ADDRESS TO THE TOOTHACHE.
