No More Learning

Page 29
84
Alex was to hym obedyent, [folio 146b]
and ded his faders comawndement;
In to a chaumbur he com full ryght,
And redy there he founde hys bryght,
And toke here in his armys twoo,
And downe they layde bothe twoo;
'dame,' he sayde, 'nou it ys soo,
Of Flessche ar wee allso.
Page 30
92
Noue may we be gladde of ? is lyffe,
For thowe art bothe moder and wyffe;
For allwaye rede ? at hit so be, 95
For nowe muste me wende frome the.
Whylys I was yong I made a vowe,
That I wyll Fullfell hyt nowe,
For to wende a pylgremage,
Noue woll I doo ? at vyage,
Page 31
100
And ? ou schalt lewe here at home,
agayne as goddys wyll I come. '
he yaffe her a gyrdell and a ryng,
all for a tokyng at ? eyre departyng;
And Forthe he went that elke nyght.
To ? e sse he come full ryght;
The shipe was redy, and ouer went,
wynde att wyll god hym sent.
Page 32
108
whan he come Into a Fer contre,
he come into a ryche cytte,
Page 33
110
[folio 147a] Knowyn he wollde in no wyse be
Of no man ? at shoullde hym see.
Page 34
112
In that cyte was an Image,
That was lyke goddes wysage, 114
Many a pylgryme had hit sought,
For hit was neuer with honde wrought.
Alex herd ther of than t[e]lle,
Than thought he there to duell.
A none he yaffe Frome hym awaye
to powre men all hys monaye; 120
And bought hym pore man ys wede,
Page 35
That none of theyme shoullde thak hede,
And axed his met eorly and late,
With poremen att the mynster yate.
All the mete ? at he myght gete,
Bot euery day a melys mete 126
To pore men gaffe A noone ryght,
he lefft hym sylffe none ouer nyght.
there dwellyd he xvij yere, 129
And lede his lyffe in thys manere;
Page 36
his Fader and hys modyr bothe,
Than he was to theyme Fvll lothe;
his fadyr made gret dole and sorowe,
Bothe on euen and on morowe. 134
'Alas! ' he sayde, and wrong his honde,
'Why is my sonne went owte of lond?
I wende haue hade of hym a knyght,
with me to stonde In all my ryght;
nowe ys he wente ? at was my blysse,
Page 37
I west hym neuer do man a mys.
Nowe haue I none of my lynage [folio 147a]
That maye welde myn herytage. '
Than sayde his moder, and wepte full sore, 143
'Noue shall I see my sonne no more;
I was full glade whan he was borne,
nowe ys all my Ioye forlorne.
Page 38
146
I haue hade robbys maney and fayre,
Nowe woll I next me were the ayre,
Tyll I maye some tydynges here
of my sone that was so dere. ' 150
than spake his wyffe, and wepte among.
'My leffe,' she sayde, 'was done wrong,
Page 39
he toke me in my fadyrs bowre,
And brought me hydder with grete honouer. 154
And he has me nowe for-sakyng,
To Iesu cryst I wyll me takyne;
Page 40
156
Sorowe and morenyng may I well make,
As the turtell dothe withowten his make.
Ioyefull schall I neuer bee,
Tyll I maye my leman see. ' 160
hys Fader send bothe fer and vyde
Messengers on euery syde,
To seke his sonne where he was went,
Bothe Fer and nere where he was went.